Қайрат Сүнтаев ІІМ орынбасары қызметінен босатылды

Қайрат Сүнтаев Ішкі істер министрінің орынбасары лауазымынан босатылды, деп хабарлайды Ақорда.

"Мемлекет басшысының өкімімен Қайрат Иматұлы Сүнтаев Қазақстан Республикасы Ішкі істер министрінің орынбасары лауазымынан босатылды", - делінген жарлықта.

Ол 1961 жылы 7 мамырда Павлодар облысы Ақтоғай ауданы Ақтоғай ауылында дүниеге келген.

1992 жылы Әл-Фараби атындағы Қазақ мемлекеттік университетін бітірген. 

• 1981 жылға қазаннан 1983 жылғы қыркүйекке дейін – Кеңес Армиясы қатарында қызмет атқарған;
• 1992 жылғы маусымнан 1994 жылғы тамызға дейін – Павлодар облысы прокуратурасының тергеушісі;
• 1994 жылғы тамыздан 1997 жылғы шілдеге дейін – Бас прокуратура басқармасының прокуроры, аға прокуроры;
• 1997 жылғы шілдеден 2000 жылғы желтоқсанға дейін – Ақмола облысы Ерейментау ауданының, Астана қаласы Алматы ауданының прокуроры;
• 2000 жылғы желтоқсаннан 2002 жылғы қазанға дейін – Астана қаласы прокурорының орынбасары;
• 2004 жылғы шілдеден 2006 жылғы қаңтарға дейін – Астана қаласы бойынша Экономикалық қылмысқа және сыбайлас жемқорлыққа қарсы күрес департаменті (қаржы полициясы) бастығының орынбасары;
• 2006 жылғы қаңтардан 2008 жылғы тамызға дейін – Тергеу және анықтау департаментінің бастығы, Тергеу комитеті төрағасының орынбасары, Тергеу комитетінің төрағасы;
• 2008 жылғы тамыздан 2009 жылғы қазанға дейін – Атырау облысы ІІД бастығы;
• 2009 жылғы қазаннан 2010 жылғы сәуірге  дейін – Қарағанды облысы бойынша Экономикалық қылмысқа және сыбайлас жемқорлыққа қарсы күрес департаменті (қаржы полициясы) бастығының орынбасары;
• 2011 жылғы маусымнан 2014 жылғы қарашаға дейін Қазақстан Республикасы Президентінің Әкімшілігінде жұмыс істеген;
• 2014 жылғы қарашадан 2018 жылғы маусымға дейін – Ақтөбе облысы бойынша Сыбайлас жемқорлыққа қарсы күрес жөніндегі ұлттық бюро департаментінің басшысы (сыбайлас жемқорлыққа қарсы қызмет);
• 2018 жылғы маусымнан  2019 жылғы шілдеге дейін – Сыбайлас жемқорлыққа қарсы іс-қимыл жөніндегі ұлттық бюроның басшысы (сыбайлас жемқорлыққа қарсы қызмет);
• 2019 жылғы шілдеден 2020 жылғы наурызға дейін – Алматы қаласы бойынша Мемлекеттік қызмет істері және сыбайлас жемқорлыққа қарсы іс-қимыл департаментінің басшысы (сыбайлас жемқорлыққа қарсы қызмет);
• 2020 жылғы 13 наурыздан бастап – Қазақстан Республикасы Ішкі істер министрінің орынбасары.

Мәтіннен қате тапсаңыз, бізге жазыңыз