Президент Ұлттық қорғаныс университетінің жаңа басшысын тағайындады

Президент Ұлттық қорғаныс университетінің бастығын қызметінен босатып, орнына жаңа басшы тағайындады, деп хабарлайды Ақорда.

"Мемлекет басшысының өкімімен Асқар Досбосынұлы Мұстабеков Қазақстан Республикасы Ұлттық қорғаныс университетінің бастығы лауазымына тағайындалды", - делінген өкімде.

Сондай-ақ Ақорда сайтында бұл қызметтен кеткен Лұт Әлшекенов туралы өкім жарияланды.

Ұлттық қорғаныс университетінің ресми сайтындағы ақпаратқа сәйкес, генерал-майор Мұстабеков Асқар Досбосынұлы бұрын университет бастығының бірінші орынбасары қызметін атқарған. Сондай-ақ оқу-әдістемелік басқарманың бастығы лауазымында жұмыс істеген. Философия докторы (PhD) ғылыми дәрежесі бар.