Атырау облысы әкімінің орынбасары тағайындалды

Дарын Дүйсембайұлы Шамұратов Атырау облысы әкімінің орынбасары лауазымына тағайындалды. Бұл туралы KAZ.NUR.KZ облыс әкімдігіне сілтеме жасап хабарлайды.

Облыс әкімінің баспасөз қызметі мәліметінше, президент әкімшілігінің келісімімен, облыс әкімінің өкімімен Дарын Дүйсембайұлы Шамұратов Атырау облысы әкімінің орынбасары лауазымына тағайындалды.

Дарын Шамұратов М. Өтемісов атындағы Батыс Қазақстан мемлекеттік университетін "география" мамандығы бойынша, Батыс Қазақстан инженерлік-гуманитарлық университеті "қаржы" мамандығы бойынша бітірген.

2009-2009жылдар аралығында Бөдене ауылдық округі әкімі аппаратының бас маманның міндетін уақытша атқарушы, әкім аппаратының бас маманы болған.

2009- 2012 жылдар аралығында Индер ауданы әкімі аппаратының жалпы бөлімінің бас маманы болды.

2012-2021 жылдар аралығында Индер ауданы әкімі аппаратының жалпы бөлімінің меңгерушісі, Индер ауданы әкімі аппаратының басшысы, Индер ауданы әкімінің аппараты, аудан әкімінің орынбасары болған.

2021- 2022 жылдар аралығында Атырау облысы әкімі аппараты басшысының орынбасары болып жұмыс істеді.

Тағайындалғанға дейін Индер ауданының әкімі лауазымын атқарған.