Талғар ауданына жаңа прокурор тағайындалды

30 қазанда Алматы облысы прокурорының бірінші орынбасары Қатаев Дамир Меделбайұлы Талғар ауданының әкімдігінде Талғар ауданының прокуроры Ерлан Әлижанұлы Тағаевты таныстырды. Бұл туралы KAZ.NUR.KZ аудандық прокуратураға сілтеме жасап хабарлайды.

Аудандық прокуратура мәліметінше, Ерлан Әлижанұлы Тағаев прокурорлық қызметін Алматы облысының прокуратурасында бастап, кейін Карағанды және Шығыс Қазақстан облыстарында жалғастырған.

Талғар ауданы прокуроры болып тағайындалғанға дейін Курчатов қаласы, ШҚО түзеу мекемелерінде заңдылықтын сақталуын қадағалау жөніндегі арнайы прокуроры, Күршім ауданы, Аягөз, Абай және Жаңасемей аудандарының, прокуроры қызметін аткарған.

Айта кетейік, Шерзат Болаттың өлімінен кейін Талғар ауданында тағы бірнеше шенеунік жазаланды. Аудан әкімдігінің сайтындағы мәлімет бойынша, Талғар ауданы әкімі аппаратының басшысы Қасымбаев Аслан Нұрғайыпұлы қызметінен босатылды.

Сонымен қатар Талғар ауданының әкімі Айдарбеков Танат Есенкелдіұлы пен оның орынбасары Бидаев Айбек Дүйсембекұлы "сөгіс" түріндегі тәртіптік жауапкершілікке тартылды.

Бұған дейін Талғар қаласының әкімі Бахыт Күрішбеков пен әкімнің орынбасары Матан Сағындық қызметінен босатылғаны хабарланған еді.

Мәтіннен қате тапсаңыз, бізге жазыңыз