ІІМ Алматы академиясына жаңа басшы тағайындалды

Мақан Есболатов атындағы ІІМ Алматы академиясының бастығы болып Қалижан Қобландин тағайындалды. Бұл туралы KAZ.NUR.KZ Қазақстан ішкі істер министрлігіне сілтеме жасай отырып хабарлайды.

Министрлік мәліметінше, оқу орнының жаңа басшысын жеке құрамға ішкі істер министрінің орынбасары Айдар Сайтбеков таныстырды.

Қалижан Қобландиннің түрлі басшылық лауазымдарда тәжірибесі бар. Жаңа лауазымға тағайындалғанға дейін ол көліктегі полиция департаменті бастығының орынбасары қызметін атқарған.

ІІМ Алматы академиясы ішкі істер органдарын білімі озық, жоғары кәсіби мамандармен қамтамасыз етеді. Академия жоғары, жоғары оқу орнынан кейінгі және қосымша білім беру бағдарламаларын жүзеге асырады.