ІІМ Қарағанды академиясына жаңа басшы тағайындалды

ІІМ Қарағанды академиясының бастығы қызметіне Нұрлан Биекенов тағайындалды. Бұл туралы Ішкі істер министрлігінің ақпараттық медиа-порталына сілтеме жасаған KAZ.NUR.KZ хабарлайды.

"Президент Әкімшілігінің келісімі бойынша ішкі істер министрінің бұйрығымен Бәрімбек Бейсенов атындағы ІІМ Қарағанды академиясының бастығы болып Биекенов Нұрлан Амангелдіұлы тағайындалды

Ведомстволық оқу орнының жаңа басшысын жеке құрамға министрдің орынбасары Айдар Сайтбеков таныстырды", - делінген ІІМ-нің ақпараттық медиа-порталында жарияланған хабарламада.

Нұрлан Биекенов ІІМ Қарағанды академиясының оқытушысы, кафедра бастығы болып жұмыс істеген.

Еске салсақ, бұған дейін Мақан Есболатов атындағы ІІМ Алматы академиясының бастығы болып Қалижан Қобландин тағайындалғанын жазған едік.

Мәтіннен қате тапсаңыз, бізге жазыңыз