Өскеменнің бұрынғы әкімі Жақсылық Омар жаңа қызметке тағайындалды

Өскемен қаласының бұрынғы әкімі Жақсылық Омар жаңа қызметке тағайындалды. Бұл туралы KAZINFORM хабарлады.

Ақпарат агенттігінің мәліметінше, Өскеменнің экс-әкімі Жақсылық Омар Шығыс Қазақстан облысы әкімінің кеңесшісі болып тағайындалған.

Айта кетсек, Жақсылық Омар Өскемен қаласын 2018 жылдан бері басқарған. Ол 27 қарашада қызметінен кететінін мәлімдеді.

Еске салсақ, бүгін Өскемен қаласының жаңа әкімі болып Алмат Ақышов тағайындалған болатын.

ШҚО әкімі жаңа тағайындалған қала әкіміне экология мен көшелерді жарықтандыру мәселелерін назарға ала отырып, қаланы одан әрі дамыту бойынша ұсыныстар әзірлеуді тапсырды. Сонымен қатар экономика, құрылыс, абаттандыру және әлеуметтік саладағы маңызды жобаларды аяқтауды жүктеді.

Мәтіннен қате тапсаңыз, бізге жазыңыз