Талғар аудандық полиция басқармасына жаңа бастық тағайындалды

Талғар аудандық полиция басқармасына жаңа бастық келді. Бұл лауазымға полиция полковнигі Асхат Бекенов тағайындалды, деп хабарлайды Талғар аудандық полиция басқармасы Instagram желісіндегі парақшасында.

"Құрметті Талғар ауданының тұрғындары! Сіздерге Талғар аудандық полиция басқармасының бастығы болып полиция полковнигі Асхат Барлыбаевич Бекенов тағайындалғанын хабарлаймыз", - делінген хабарламада.

Алматы облыстық полиция департаментінің мәліметінше, полковник Бекенов 1980 жылы Павлодар облысының Ертіс ауданында дүниеге келген.

2001 жылы Қарағанды заң институтын тәмәмдаған. Ішкі істер органдарында 1997 жылдың тамызынан бастап қызмет етеді. Мансабын Павлодар облысы Қашыр АІІБ жедел уәкілі қызметінен бастаған.

Жаңа қызметке тағайындалғанға дейін Алматы қаласы ПД криминалдық полиция басқармасы бастығының орынбасары болып жұмыс істеген.