"Қазақстан халқына" қоғамдық қорын кім басқаратыны белгілі болды
Опубликовано:
"Қазақстан халқына" қоғамдық қорының басқарма төрайымы болып Ләззат Шыңғысбаева сайланды. Бұл туралы KAZ.NUR.KZ қордың баспасөз қызметіне сілтеме жасап хабарлайды.
"Қазақстан халқына" қоғамдық қоры қамқоршылық кеңесінің шешімімен 2025 жылғы 1 ақпаннан бастап "Қазақстан халқына" ҚҚ басқарма төрайымы лауазымына қоғам қайраткері, қайырымдылық және Қазақстандағы ҮЕҰ-ның институционалдық дамуы мен әлеуметтік жобаларды басқару саласындағы сарапшы Ләззат Шыңғысбаева сайланды", - делінген хабарламада.
Ләззат Шыңғысбаева бұған дейін қордың басқарма төрағасының орынбасары қызметін атқарған. Ол "Ерен еңбегі үшін", "Атамекен" ҰКП құрметті қызметкері" медальдарымен марапатталған.
Сондай-ақ қамқоршылық кеңес қор қызметкерлері София Айсағалиеваны басқарма төрағасының орынбасары, Серікбек Елшібековті басқарма мүшесі етіп сайлаған.
"Басшылықтың ауысқанына қарамастан, қор жұмысын қалыпты тәртіпте жалғастырады. Қордың қамқоршылық кеңесінің пікірінше, басшылықтың ауысуы – бұл жаңа тарау, ол қайырымдылық қызметті дамыту үшін қосымша мүмкіндіктерді ашады", - делінген хабарламада.
Естеріңізге сала кетсек, "Қазақстан халқына" қоғамдық қорын үш жыл басқарған Болат Жәмішев қызметінен кеткен еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/appointments/2216892-qazaqstan-halqyna-qogamdyq-qoryn-kim-basqaratyny-belgili-boldy/