Ақтау әкімінің бұрынғы орынбасарына іздеу жарияланды
Жарияланған күні:
Ақтау әкімінің бұрынғы орынбасары Тимур Сәдуақасовқа іздеу жарияланды. Оған іздеу жарияланғаны туралы ақпарат Құқықтық статистика және арнайы есепке алу органдарының порталында жарияланды, деп хабарлайды KAZ.NUR.KZ.
Порталда жарияланған ақпаратқа сүйенсек, Тимур Сәдуақасовқа іздеу жарияланғанына екі күн болған. Іздестіру ісі 2025 жылғы 5 ақпанда Солтүстік Қазақстан облысында тіркелген.
Бастамшы орган – сот, іздестіруді жүргізіп жатқан орган – Қаржылық мониторинг агенттігінің Солтүстік Қазақстан облысы бойынша экономикалық тергеу департаменті.
Lada.kz басылымының хабарлауынша, Тимур Сәдуақасов Ақтау әкімінің орынбасары болып 2019 жылғы 18 ақпанда тағайындалған. Бұған дейін Маңғыстау облысының кәсіпкерлік және сауда басқармасы басшысының орынбасары қызметін атқарған.
"Әділет" Жоғары құқық мектебін және Көкшетау экономика және менеджмент институтын тәмәмдаған.
Мақаланың түпнұсқасы: https://kaz.nur.kz/politics/appointments/2218842-aqtau-akimining-buryngy-orynbasaryna-izdeu-zhariialandy/
