Неке жүзігін тақпайтын отандық отбасылы саясаткерлер кімдер?

Отбасылық жағдайын паш ету немесе жасырын ұстау - әркімнің өз таңдауы. Алайда, адамның үйленгенін неке жүзігіне қарап-ақ анықтауға болады. Қасым-Жомарт Тоқаевтың ажырасқаны жөніндегі ақпараттан соң, KAZ.NUR.KZ отандық шенеуніктердің арасында кім неке жүзігін шешпей киетінін тексеріп көрді.

Премьер-министр Асқар Мамин

Желідегі ақпаратқа сәйкес, Асқар Мамин үйленген, екі баланың әкесі. Алайда, премьер-министр неке жүзігін тақпайды.

26 наурыз күні үкімет пен Ұлттық банк арасындағы келісімге қол қойылған. Бұл жиында да Асқар Мамин жүзіксіз отырды.

Оған қоса, отбасылы екені белгілі Ерболат Досаевтың да неке жүзігін тақпайтыны анықталды.

24 наурыз – Асқар Мамин президент Қасым-Жомарт Тоқаевпен бірге футбол ойынына келген. Суретте оның бұл жолы да жүзіксіз екенін аңғаруға болады.

Президент әкімшілігінің төрағасы Бақытжан Сағынтаев

Президент Тоқаевпен бірге түскен суретте Бақытжан Сағынтаевтың саусағында да неке жүзігі жоқ. Әкімшілік төрағасы отбасылы адам.

Сағынтаевтың неке жүзігін тақпайтынын 21 ақпан күні үкіметті отставкаға жіберу кезіндегі суретінен де байқауға болады.

Бірінші президент қорының атқарушы директоры Әсет Исекешев.

Ашық дереккөздердің мәліметінше, Исекешев отбасылы адам. Алайда, үйленгеніне қарамастан шенеунік жүзік тақпайды.

Мысал ретінде 6 наурыз күні Назарбаевпен өткен жиналыс барысында жасалған суретті келтіруге болады.

Бұл суреттен бөлек, 2018 жылы 11 қараша күні өткен жиналыс кезінде де Исекешев неке жүзігінсіз отыр.

Еңбек және әлеуметтік қорғау министрі Бердібек Сапарбаев

Сапарбаев та ашық дереккөздерге сәйкес, үйленген. Алайда, саясаткер неке жүзігін тағуды жөн санамаса керек.

Үкімет отырыстарына да Сапарбаев неке жүзігін мүлде тақпай келеді.

Мына суреттерде премьер-министр орынбасары әрі қаржы министрі Әлихан Смайловтың да жүзіксіз отырғанын аңғаруға болады.

Үкімет отырыстарындағы видеоларды қарап шығып, Смайловтың да үнемі неке жүзігінсіз жүретінін айтуға болады. Оның өмірбаянында әйелі мен екі баласы бар екені жазылған.

Денсаулық сақтау министрі Елжан Біртанов

Ашық дереккөздердің мәліметінше, Біртанов үйленген, төрт баласы бар. Бірақ, министр неке жүзігін тақпайды.

Министрліктің жаңа мүшелері - ІІМ министрі Ерлан Тұрғымбаев, ұлттық экономика министрі Руслан Дәленов пен Роман Скляр да отбасылы адамдар. Алайда, үшеуі де неке жүзігін тақпай жүреді.

СІМ министрі Бейбіт Атамқұлов

Сыртқы істер министрі неке жүзігін тағатын шенеуніктердің қатарында. Атамқұловтың әйелі мен үш баласы бар.

Тіпті ресми іс-шаралар кезінде де оның қолында отбасылық символ жарқырап тұрады.

Мәтіннен қате тапсаңыз, бізге жазыңыз