Қорғаныс министрі технологиялардағы серіктестік бойынша бесінші халықаралық симпозиумды ашты

Нұр-Сұлтан қаласында әскери ведомство басшысы генерал-майор Н. Ермекбаевтың қатысуымен бітімгершілік үшін технологиялардағы серіктестік бойынша БҰҰ бесінші симпозиумының ашылу рәсімі өтті.

Алғаш рет Қазақстанда «Болжам. Қорғаныш. Алдын алу (Predict, Protect, Prevent)» тақырыбында Қазақстан Республикасының Қорғаныс министрлігі Біріккен Ұлттар Ұйымының Хатшылығымен бірлесе ұйымдастырылған бітімгершілік үшін технологиялардағы серіктестік бойынша Біріккен Ұлттар Ұйымының бесінші симпозиумы басталды.

ҚР Қорғаныс министрінің шақыртуы бойынша симпозиумға БҰҰ Бас хатшысының жедел дайындық және бітімгершілік операциялар жөніндегі орынбасарлары Атул Харе мен Жан-Пьер Лакруа қатысуда.

Өткізіліп жатқан іс-шара БҰҰ-ның бітімгершілігін одан әрі жетілдіру аясында өзекті мәселелерді қарастыру үшін алаң болып табылады. Бұл мәнмәтінде Қазақстан Республикасы бейбітшілік пен қауіпсіздікті қамтамасыз ету аясында анағұрлым қауіпті және тиімді қызметке ықпал ететін технологиялық аспаптар мен тың жаңалықтар бойынша бірқатар ұсыныстар енгізуге ниетті.

Қазақстанның астанасында аталмыш шараның өткізілуі жоғары деңгейдегі халықаралық консультацияларды өткізуге арналған алаң ретінде Нұр-Сұлтанның имиджіне сай келеді.

Симпозиум бітімгершілік қызметтің барлық қатысушылары арасында тығыз ынтымақтастықты ұйымдастыруға, бұған зерттеу және талдау орталықтарын тартуға мүмкіндік береді, бұл өзге елдердің тәжірибесін зерделеуге, сондай-ақ БҰҰ-ның мүше мемлекеттері қандай инновациялық идеяларды енгізіп жатқанын білуге мүмкіндік туғызады.

БҰҰ-ның аталмыш шарасы БҰҰ-ның Қауіпсіздік Кеңесінде Қазақстан Республикасының тұрақсыз мүшелігінің қисынды аяқталуы болмақ. Сондай-ақ болашақ қазақстандық бітімгершілік бастамаларды ілгерілетуге ықпал етеді.

Бітімгершілік бойынша БҰҰ-ның симпозиумдары 2014 жылы Италияда, 2015 жылы Аустрияда. 2016 жылы Оңтүстік Кореяда және 2018 жылы Германияда өткенін естеріңізге сала кетейік.

Мәтіннен қате тапсаңыз, бізге жазыңыз