Жаңа қосымша Бозымбаевты ДиКаприоға, Көлгіновті Гарри Поттерге айналдырды (фото)

Әлеуметтік желіде жаңа Gradient қосымшасы танымал болып жатыр. Қосымша қолданушының қандай танымал тұлғаға ұқсас екенін анықтап береді. Осы орайда KAZ.NUR.KZ редакциясы да қазақстандық саясаткерлердің егіздерін тапқан еді.

Мәселен Білім және ғылым министрі Асхат Аймағамбетовтің сырт келбеті Канаданың ең жас премьер-министрі Джастин Трюдомен ұқсас екен.

Мәдениет және спорт министрі Ақтоты Райымқұлова болса 26 жастағы америкалық әнші Майли Сайрусқа ұқсап қалған.

Нұр-Сұлтанның экс-әкімі, Қазақстанның Тұңғыш президенті қорының атқарушы директоры Әсет Исекешевтің сырт келбеті Американың 42-ші басшысы Билл Клинтонмен сәйкес болып шықты.

Нұр-Сұлтанның қазіргі әкімі Алтай Көлгінов болса Гарри Поттердің рөлін сомдаған актер Даниэл Рэдклиффпен ұқсас екен.

Nur Otan партиясы төрағасының орынбасары Бауыржан Байбектің суреті Исаға ұқсас болып шыққан.

Алматының әкімі Бақытжан Сағынтаев Apple компаниясының негізін қалаушы Стив Джобстың сыңары болып шықты.

Экология, геология және табиғи ресурстар министрі Мағзұм Мырзағалиевті қосымша америкалық арнайы қызметтің экс-қызметкері Эдвард Cноуденмен салыстырды.

Энергетика министрі Қанат Бозымбаев болса голливуд актері Леонардо ДиКаприоға ұқсайды.

Ұлттық эконмика министрі Руслан Даленов португалиялық футболшы Криштиану Роналдудың егізі іспеттес.

Денсаулық сақтау министрі Елжан Біртановтың сырт келбеті америкалық ғарышкер Нил Армстронгпен сәйкес екен.

Мәтіннен қате тапсаңыз, бізге жазыңыз