Қасым-Жомарт Тоқаев Қазақстан халқына жолдау жасайды

Күздің бірінші күні мемлекет басшысы Қасым-Жомарт Тоқаев Қазақстан халқына жолдау жасайды. Бұл туралы президенттің баспасөз хатшысы Берік Уәли өзінің Facebook парақшасында хабарлады.

"1 қыркүйек күні сағат 11:00-де Парламент палаталарының бірлескен отырысында мемлекет басшысы Қасым-Жомарт Тоқаев Қазақстан халқына жолдау жасайды.

Жолдауда елдің алдағы әлеуметтік-экономикалық дамуының басым бағыттары туралы айтылады", - деп жазды Берік Уәли.

Айта кетейік, бүгін елімізде Конституция күні. Мемлекет басшысы мерекеге орай барша қазақстандықтарды құттықтады.