Тоқаев президент сайлауында дауыс берді

Қасым-Жомарт Тоқаев Астананың оң жағалауында орналасқан сайлау учаскесіне барып, дауыс берді, деп хабарлайды KAZ.NUR.KZ.

Тоқаев елорданың оң жағалауындағы Оқушылар сарайында орналасқан №58 учаскеге барды.

Ол өткен жылғы парламенттік сайлауда да дәл осы сайлау учаскесінде дауыс берген.

Қасым-Жомарт Тоқаевты Оқушылар сарайының ғимаратында журналистер күтіп тұрды. Дауыс берген соң ол БАҚ өкілдерімен тілдесті.