Павлодар қаласының әкімі үйілген қоқысты шығармаған жауаптыларға шүйлікті (видео)

Павлодар қаласының әкімі үйілген қоқысты шығармаған жауаптыларға шүйлікті. Сонымен қатар шаһар басшысы қар тазалау жұмыстарындағы кемшіліктерді тез арада жоюды тапсырды, деп хабарлайды KAZ.NUR.KZ тілшісі қалалық әкімдіктің баспасөз қызметіне сілтеме жасап.

Ведомство мәліметінше, Павлодар қаласының әкімі Ержан Иманзаипов кеше, 27-қаңтарда өңір орталығын аралаған.

Шаһар басшысы жұмыс сапары кезінде ірі көлемді қоқысты шығару және қар тазалау жұмысында бірқатар кемшілік бар екенін атап көрсетті.

Сонымен қатар, Ержан Иманзаипов ғимараттардың сәулеттік келбетіне ерекше назар аударып, сәулет бөліміне нысандардың қасбеттерін, сондай-ақ, оларда орналастырылған жарнамалық белгілерді дұрыстауды тапсырды.

"Кәсіпкерлік бөлімге полиция қызметкерлерімен бірлесіп, бизнес нысандарына тиісті аумақтардың тазалығына мониторинг жүргізіп, тазаланбаған жағдайда ескерту беру тапсырмасы берілді", - делінген хабарламада.

Мәтіннен қате тапсаңыз, бізге жазыңыз