Тоқаев Сингапур президенті Халима Якобқа құттықтау жеделхатын жолдады

Мемлекет басшысы Сингапур президенті Халима Якобқа құттықтау жеделхатын жолдады. Бұл туралы Ақорда Telegram-дағы ресми арнасында хабарлады.

Ақорданың баспасөз қызметінің хабарлауынша, Қасым-Жомарт Тоқаев президент Халима Якобты Сингапур Республикасының Ұлттық күнімен құттықтады.

"Президент екі ел арасындағы шынайы достық пен табысты саяси диалогқа негізделген серіктестікке жоғары баға берді.

Қасым-Жомарт Тоқаев биыл мамыр айында өткен екіжақты келіссөздер барысында қол жеткізілген уағдаластықтар Қазақстан мен Сингапур арасындағы стратегиялық байланыстарды дамыту үшін берік негіз болатынына сенім білдірді", - делінген хабарламада.

Еске сала кетейік, бұған дейін мемлекет басшысы Халықтың әлеуметтік жағынан осал санаттарының құқықтары жөніндегі уәкіл Светлана Жақыпованы қабылдағаны туралы жазған едік.

Мәтіннен қате тапсаңыз, бізге жазыңыз