Елімізде 5 жаңа министрлік құрылды

Қазақстанда бес жаңа министрлік құрылды. Қасым-Жомарт Тоқаев тиісті жарлыққа қол қойды. Бұл туралы Ақорда Telegram-дағы ресми арнасында хабарлады.

Мемлекет басшысының "Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" жарлығымен:

• Су ресурстары және ирригация министрлігі құрылды;
• Көлік министрлігі құрылды;
• Туризм және спорт министрлігі құрылды;
• Мәдениет және ақпарат министрлігі құрылды;
• Өнеркәсіп және құрылыс министрлігі құрылды.

Еске сала кетейік, бұған дейін президент Қасым-Жомарт Тоқаев парламент палаталарының бірлескен отырысында Көлік министрлігін қайта құру қажеттігін мәлімдеген болатын.

"Жалпы алғанда, Қазақстан Еуразия құрлығындағы басты транзит хабы ретіндегі рөлін арттыруы керек. Осылайша, уақыт өте келе көлік-логистика саласындағы ірі мемлекетке айналуымыз қажет. Көлік-логистика саласын қарқынды дамыту – бұл стратегиялық міндет", – деді президент.

Мәтіннен қате тапсаңыз, бізге жазыңыз