Тоқаев Туризм және спорт министрі Ермек Маржықпаевты қабылдады

Мемлекет басшысы Қасым-Жомарт Тоқаев Туризм және спорт министрі Ермек Маржықпаевты қабылдады. Бұл туралы Ақорда Telegram-дағы ресми арнасында хабарлады.

Министр Қасым-Жомарт Тоқаевқа ведомствоның қазіргі қызметі мен алдағы кезеңге арналған жоспары туралы баяндады.

Мемлекет басшысына Қытайда өткен Азия және Паразия ойындарының қорытындысы бойынша жүргізілген сараптама нәтижелері жөнінде есеп берілді.

Президент саланы дамытудың жаңа тәсілдерін әзірлеу үшін сапалы әрі кезең-кезеңімен жұмыс жүргізуді тапсырды.

Сонымен қатар мемлекет басшысына министрлікке қарасты салалардағы заңнамалық базаны жетілдіру, еліміздің туристік әлеуетін одан әрі дамыту жөнінде мәлімет берілді.

Қасым-Жомарт Тоқаев министрлікке аталған бағыттар бойынша нақты міндеттер жүктеді.