Тоқаев Қазақстандағы Қытай елшісін қабылдады

Президент Қасым-Жомарт Тоқаев Қытайдың Қазақстандағы елшісі Чжан Сяоны қабылдады. Бұл туралы Ақорданың ресми сайты хабарлады.

Мемлекет басшысы Қытай Халық Республикасының Қазақстандағы елшісі Чжан Сяомен әңгімелесу барысында екіжақты ынтымақтастықтың қарқынды дамып келе жатқанына тоқталды.

Қасым-Жомарт Тоқаев Қазақстанның Қытаймен барлық бағыт бойынша ықпалдастықты жандандыруға ниетті екенін айтты.

Сондай-ақ президент баспасөз қызметінің хабары бойынша, кездесу кезінде сауда, ауыл шаруашылығы, энергетика, жаңа технология, көлік және логистика саласындағы өзара тиімді қатынастарды одан әрі арттыру маңызды екені атап өтілді. Бұдан бөлек мәдени-гуманитарлық байланыстарды нығайту мәселесіне де назар аударылды.