Семейде "Жыл таңдауы-2023" жастар сыйлығының жеңімпаздарын марапаттау рәсімі өтті

Шараға қала әкімінің орынбасары Жәнібек Мұқатаев қатысып, жыл үздіктерін марапаттады.

"Жыл таңдауы-2023" сыйлығы мемлекеттік жастар саясатын іске асыруға және жастардың қаланың қоғамдық өміріне қатысуына қосқан үлесі үшін беріледі.

Биыл әкім сыйлығын алуға үміткерлерден 50-ге жуық өтінім келіп түсті. Өз саласындағы ең табысты жастар арнайы комиссия мүшелерінің дауыс беруі арқылы таңдалды.

Жеңімпаздар 12 номинация бойынша анықталды:

• "Жылдың үздік студенті" аталымы — Игенбердыева Сағыныш Муратбекқызы;
• "Жылдың үздік волонтері" аталымы — Чукеев Ахмет Ерланұлы;
• "Жылдың үздік жастар ұйымы" аталымы — "Қаракөз студент жастар театры";
• "Жылдың жас журналисі" аталымы — Торсықбаев Рүстем Қайратұлы;
• "Жылдың жас қаһарман" аталымы — Нұртазаев Елдос Нұрдәулетұлы;
• "Жылдың жас дәрігері" аталымы — Болатов Данияр Нұрбекұлы;
• "Жылдың жас еңбек адамы" аталымы — Құсайынов Жарқын Шаймұратұлы;
• "Жылдың жас спортшысы" аталымы — Игимбаева Арайлым Саматқызы;
• "Жылдың жас дарыны" аталымы — Төребекова Мариям;
• "Жылдың жас жанұясы" аталымы — "Уайсовтар" жанұясы;
• "Ауылдың жас маманы" аталымы — Қапезова Аңсаған Сырымқызы;
• "Жылдың жас ұстазы" аталымы — Шынарбек Шыңғыс Әбілұлы.