Ресей президентінің баспасөз хатшысы Назарбаев пен Путиннің кездескенін хабарлады

Ресей президентінің баспасөз хатшысы Дмитрий Песков Нұрсұлтан Назарбаев пен Владимир Путиннің жеке кездесу өткізгенін хабарлады.

"Иә, ол расымен де Мәскеуде болды. Ол президентпен (Путинмен - ред.) жеке кездесті. Біз мұны растаймыз", - деді Песков журналистермен кездесуде. Бұл туралы РИА Новости басылымы хабарлады.

Еске сала кетейік, Ресей президенті Владимир Путин 9 қараша күні Қазақстанға ресми сапармен келген еді. Сол күні мемлекет басшысы Қасым-Жомарт Тоқаев оны Астана әуежайынан жеке өзі қарсы алды.

Кейін олар XIX Өңіраралық ынтымақтастық форумына қатысқан болатын.

Мәтіннен қате тапсаңыз, бізге жазыңыз