Қазақстанда адам саудасымен күрес жөніндегі дербес заң пайда болады

Мәжіліс "Қазақстан Республикасындағы адам саудасына қарсы іс-қимыл туралы" заң жобасы мен оған ілеспе түзетулерді бірінші оқылымда мақұлдады. Бұл туралы мәжілістің Telegram-дағы арнасына сілтеме жасаған KAZ.NUR.KZ хабарлайды.

Заң жобалары мемлекет басшысының 2022 жылғы 13 сәуірдегі "Адам құқықтарын қорғау саласындағы одан әрі шаралар туралы" жарлығын іске асыру мақсатымен әзірленген.

"Негізгі заң жобасына жаңа ұғымдар енгізіліп, кейбір анықтама халықаралық стандарттарға сәйкестендірілді. Заң нормалары қолданылатын тұлғалар шеңберi айқындалып, уәкiлеттi мемлекеттiк орган құрылады, адам саудасына қарсы күрес субъектiлерi мен олардың құзыретi нақтыланады", - делінген хабарламада.

Сонымен қатар адам саудасының тәуекелін бағалау және құрбандарды қайта бағыттау тетігі енгізіледі. Адам саудасы құрбандарының құқықтары, кәмелетке толмағандардың құқықтарын қорғау және осы саладағы халықаралық ынтымақтастық негіздері де қарастырылған.

Мәтіннен қате тапсаңыз, бізге жазыңыз