Қазақстан сенатының алғашқы төрағасы Өмірбек Байгелді өмірден өтті

Көрнекті мемлекет және қоғам қайраткері Өмірбек Байгелді өмірден өтті. Қаралы хабардың сенаттың баспасөз қызметі Telegram-дағы арнасында хабарлады.

"Бүгін Астана қаласында көрнекті мемлекет және қоғам қайраткері Өмірбек Байгелді өмірден өтті. Қайраткердің қазасына байланысты оның отбасы мен жақындарына қайғыларына ортақтасып, көңіл айтамыз", - делінген хабарда.

Қоштасу рәсімі туралы ақпарат қосымша хабарланатын болады.

Өмірбек Байгелді 1939 жылы Жамбыл облысының Қызыл-Октябрь ауылында дүниеге келген. Еңбек жолын өзі туған колхозда жұмысшы болып бастаған.

1990 жылдары Жамбыл облыстық атқару комитетінің төрағасы, Жамбыл облысының әкімі, Қазақстан президентінің кеңесшісі қызметін атқарды.

Өмірбек Байгелді 1996-1999 жылдар аралығында парламент сенатының алғашқы төрағасы болды.

Сондай-ақ сенаттың I, II, III және IV шақырылымдағы депутаты болды. Парламент сенатында 16 жылдан астам қызмет атқарды.

KAZ.NUR.KZ ұжымы Өмірбек Байгелдінің жақындары мен туыстарына қайғыра көңіл айтады.

Мәтіннен қате тапсаңыз, бізге жазыңыз