Шымкентте аудандық прокуратураның жаңа ғимараты ашылды (видео)

Шымкентте күрделі жөндеуден кейін Әл-Фараби аудандық прокуратурасы ғимаратының салтанатты ашылуы өтті. Бұл туралы KAZ.NUR.KZ Өңірлік коммуникациялар қызметіне сілтеме жасап хабарлайды.

Шымкент қалалық ӨКҚ Instagram-дағы мәліметіне сүйенсек, шараға Бас прокурордың орынбасары Ғалымжан Қойгелдиев қатысқан. Ол ашылу салтанатында прокуратура қызметкерлеріне көрсетілген қолдауды мемлекет пен қоғамның сенімінің дәлелі ретінде атап өтіп, әрбір қызметкердің міндеттерін адал әрі жауапкершілікпен орындауы қажет екенін айтты.

Жаңа ғимаратта 47 қызметтік бөлме, мәжіліс залы, жауап алу бөлмелері және басқа да қажетті бөлмелер орналасқан. Нысанның материалдық-техникалық жабдықтары халық қажеттілігіне толықтай сай келеді.

Қала прокуроры Ғабит Мұқанов жаңа ғимараттың азаматтардың құқықтарын тиімді қорғауға қажетті барлық жағдайды қамтамасыз ететінін атап өтті.

Мәтіннен қате тапсаңыз, бізге жазыңыз