Қазақстан тарабы Қытаймен атом электр станциясын салу бойынша келіссөздер жүргізді

Қазақстан атом электр станциясын салуға қатысты Қытайдың әлеуетті ядролық технология жеткізушісімен келіссөздер өткізді. Бұл туралы KAZ.NUR.KZ порталы Энергетика министрлігінің баспасөз қызметіне сілтеме жасап хабарлайды.

Ведомствоның баспасөз қызметі мәліметінше, қазақстандық делегация Қытай Халық Республикасына жұмыс сапарымен барып, атом энергетикасы, мұнай-газ, электр энергетикасы және жаңартылатын энергия көздері салаларындағы ынтымақтастық мәселелерін талқылаған.

"Қытай тарабы Қазақстанға АЭС құрылысы жобасын іске асыруда қолдау көрсетуге дайын екенін білдірді.

Сондай-ақ Алмасадам Сәтқалиев қысқа тізімге енген әлеуетті жеткізушілердің бірі – Қытай Ұлттық ядролық корпорациясының (CNNC) бас директоры Ю.Шэнмен келіссөздер жүргізді.

Делегация сонымен қатар НПР-1000 реакторы бар салынып жатқан Чжанчжоу атом электр станциясын, Shanghai Electric атомдық энергия корпорациясының өндірістік базалары мен Қытайдың орталығындағы уранды қайта өңдеу және байыту зауытын аралады", - делінген хабарламада.

Мәтіннен қате тапсаңыз, бізге жазыңыз