Мемлекет басшысы жаңа әділет министріне бірқатар тапсырма берді

Мемлекет басшысы Қасым-Жомарт Тоқаев Әділет министрі Ерлан Сәрсембаевты қабылдады, деп хабрлайды Ақордаға сілтеме жасаған KAZ.NUR.KZ.

Әділет министрі Ерлан Сәрсембаев мемлекет басшысына ведомство қызметінің негізгі бағыттары туралы баяндады.

Президентке әділет органдары қызметінің негізгі бағыттары, сондай-ақ мемлекет басшысының "Әділетті Қазақстан: заң мен тәртіп, экономикалық өсім, қоғамдық оптимизм" атты Жолдауын жүзеге асыру аясында белгіленген министрліктің мақсаттары мен міндеттері жөнінде баяндалды.

Қасым-Жомарт Тоқаевқа нормативтік актілер әзірлеу қызметінің сапасын арттыру, заң үстемдігін қамтамасыз ету және әділетті әрі қауіпсіз қоғам қалыптастыру бойынша атқарылып жатқан жұмыстар туралы мәлімет берілді.

Мемлекет басшысы құқықтық жүйені нығайту үдерісінде азаматтардың құқы мен мүддесіне ден қоюдың маңызын атап өтті.

Кездесу соңында президент министрге бірқатар тапсырма берді.

Мәтіннен қате тапсаңыз, бізге жазыңыз