"Халқымыз қатты зардап шекті": Тоқаев ядролық қару туралы пікір білдірді

Мемлекет басшысы Ядролық сынақтарға қарсы халықаралық іс-қимыл күніне орай X әлеуметтік желісіндегі парақшасында жазба жариялады, деп хабарлайды KAZ.NUR.KZ.

Қасым-Жомарт Тоқаевтың жазуынша, кейінгі ұрпақтың жарқын болашағы үшін бейбітшілікті нығайтуымыз керек.

"Бүгін – Ядролық сынақтарға қарсы халықаралық іс-қимыл күні. Бұл атаулы күнді БҰҰ Бас Ассамблеясы Қазақстанның бастамасымен бекітті. Халқымыз атом қаруын сынаудан қатты зардап шекті. Мұндай қасірет қайталанбауға тиіс.

Біз кейінгі ұрпақтың жарқын болашағы үшін бейбітшілікті нығайтып, халықаралық әріптестікті дамыта түсуіміз керек. Ядролық қарудан және сынақтардан біржола бас тартуға күш салуымыз қажет.

Бейбітшілік пен қауіпсіздік – бүкіл адамзатқа ортақ ең басты құндылықтар", - деп жазды президент.

Мәтіннен қате тапсаңыз, бізге жазыңыз