Ерболат Досаев "Самұрық-Қазына" директорлар кеңесінен шығарылды
Жарияланған күні:
Жақында Президент Әкімшілігі басшысының орынбасары лауазымынан босатылған Ерболат Досаев "Самұрық-Қазына" АҚ директорлар кеңесінің құрамынан шығарылды, деп хабарлайды Kazinform агенттігіне сілтеме жасаған KAZ.NUR.KZ.
Басылымның жазуынша, бұл туралы Қаржылық есептілік депозитарийінің сайтында жарияланған мәліметке сәйкес белгілі болған.
Құжатқа сәйкес, қордың басқару органының құрамын өзгерту туралы шешімді 2026 жылғы 25 наурызда жалғыз акционер қабылдаған.
Осыған байланысты Ерболат Досаев директорлар кеңесінің құрамынан шығарылған.
Қазіргі уақытта қордың директорлар кеңесінің құрамында алты адам бар. Олар: Олжас Бектенов, Болат Жәмішев, Лука Сутера, Вонг Хэн Файн, Нұрлан Жақыпов және Мұхаммед Жәмил әл Рамахи.
Естеріңізге сала кетейік, 25 наурызда мемлекет басшысының жарлығымен Ерболат Досаев Президент әкімшілігі басшысының орынбасары лауазымынан босатылды.
Бұл қызметке ол 2025 жылғы қыркүйекте тағайындалған еді.
Ал "Самұрық-Қазына" АҚ директорлар кеңесіне құрамына былтыр желтоқсанда кірген болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/kazakhstan/2360764-erbolat-dosaev-samuryq-qazyna-direktorlar-kengesinen-shygaryldy/