Құрылтай сайлауына қай партиялар жіберілгені белгілі болды
Жарияланған күні:
Орталық сайлау комиссиясы 2026 жылғы 1 шілдеде Құрылтай сайлауына партияларды жіберу туралы шешім қабылдады, деп хабарлайды BAQ.KZ.
Қазіргі таңда сайлауға жалпы 7 партия жіберілді.
"2026 жылғы 23 тамызға тағайындалған Құрылтай депутаттарының сайлауына "Ақ жол" Қазақстан демократиялық партиясы" республикалық қоғамдық бірлестігін, "Ауыл" халықтық-демократиялық патриоттық партиясын, "Әділет" саяси партиясын, "Байтақ" Қазақстан жасылдар партиясын, Қазақстан халық партиясын, "Respublica" партиясын және Жалпыұлттық социал-демократиялық партиясын жіберу туралы қаулы қабылдансын", – дейді ОСК төрағасы Нұрлан Әбдіров.
Ал AMANAT партиясына келсек, ол "Әділет" партиясымен бірігеді. Мұны ОСК төрағасы былай түсіндірді:
"Құрметті әріптестер, Орталық сайлау комиссиясына AMANAT партиясынан Құрылтай депутаттарының сайлауына қатыспайтыны туралы ресми хат келіп түсті. Өтініш жұмысқа қабылданды", – дейді Әбдіров.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/kazakhstan/2395135-quryltai-sailauyna-qai-partiialar-zhiberilgeni-belgili-boldy/
