Құрылтайдың бірінші сессиясы қашан өтетіні белгілі болды: Тоқаев жарлыққа қол қойды

Президент "Бірінші шақырылымдағы Қазақстан Республикасы Құрылтайының бірінші сессиясын шақыру туралы" жарлыққа қол қойды, деп хабарлайды Ақордаға сілтеме жасаған KAZ.NUR.KZ.

Жарлыққа сәйкес, Құрылтайдың бірінші сессиясы 2026 жылғы 28 тамызда сағат 11:00-де Астанада өтеді.

Естеріңізге сала кетейік, 23 тамызда Қазақстанда Құрылтай депутаттарын сайлау өтті.

Қазақстан президенті Қасым-Жомарт Тоқаев сайлаудың сәтті әрі мінсіз ұйымдастырылғанын мәлімдеді.

Кеше Орталық сайлау комиссиясы Құрылтай депутаттарын сайлаудың қорытынды нәтижесін жариялады.

Бес пайыздық межеден бес партия өтті:

• "Әділет" – 71,17 пайыз;
• "Ауыл" – 6,26 пайыз;
• Respublica – 5,56 пайыз;
• "Ақ жол" – 5,21 пайыз;
• ЖСДП – 5,11 пайыз дауыс жинады.

Сайлауға қатысқан қалған екі партия жеткілікті дауыс жинай алмады:

• Қазақстан Халық партиясы – 3,11 пайыз;
• "Байтақ" – 1,07 пайыз.

"Бәріне қарсымын" нұсқасына сайлаушылардың 2,51 пайызы дауыс берген.

Мәтіннен қате тапсаңыз,бізге жазыңыз