Қазақ редакциясының басшысы

Тоқаев Ерлан Қаринды қабылдады: Қазақстан вице-президентіне қандай міндеттер жүктелді

Жарияланған күні:Бүгін, 31 тамыз 2026, 13:31

Ерлан Қарин мен Қасым-Жомарт Тоқаев. Фото: Ақорда

Мемлекет басшысы вице-президент Ерлан Қаринды қабылдады. Президент оған қызметке кіріскеннен кейін орындалуға тиіс бірқатар нақты міндет жүктеді, деп хабарлайды KAZ.NUR.KZ Ақордаға сілтеме жасап.

Қасым-Жомарт Тоқаев вице-президент лауазымы Қазақстан Республикасының Конституциясымен бекітілгенін және мемлекеттік басқару жүйесінде ерекше мәнге ие екенін атап өтті.

Мемлекет басшысы вице-президент Ерлан Қариннің алдына бірқатар нақты міндет қойды.

Атап айтқанда, вице-президентке Құрылтаймен, үкіметпен және басқа да мемлекеттік органдармен өзара іс-қимыл барысында мемлекет басшысының атынан өкілдік етіп, мемлекеттік саясаттың негізгі мәселелері бойынша ұстанымын жеткізу тапсырылды.

Еске салсақ, бүгін Қасым-Жомарт Тоқаев Ерлан Қаринді Қазақстан вице-президенті, ал Олжас Бектеновті премьер-министрі лауазымына тағайындаған болатын. Президент мұндай шешімді не себепті қабылдағанын түсіндірді.

Мәтіннен қате тапсаңыз,бізге жазыңыз