Тоқаевтың бүгінгі жұмыс кестесі жарияланды

Бүгін мемлекет басшысы Қасым-Жомарт Тоқаевтың жұмыс кестесінде бірқатар кездесу жоспарланған. Бұл туралы Ақорда Telegram-дағы ресми арнасында хабарлады.

Президенттің баспасөз қызметінің мәліметінше, бүгін мемлекет басшысы Босния және Герцеговина Президиумының Төрағасы Желька Цвияновичпен кездесу өткізеді.

Қасым-Жомарт Тоқаев БҰҰ Бас хатшысының саяси мәселелер жөніндегі көмекшісі Мирослав Енчаны, ЭСКАТО-ның атқарушы директоры Армида Алисджабананы және БҰҰ Бас хатшысының көмекшісі – БҰҰДБ әкімшісінің орынбасары Ивана Живковичті қабылдайды.

Сонымен қатар президент:

• Ауыл шаруашылығы мәселелері жөніндегі еуропалық комиссар Януш Войчеховскиймен;
• Total Energies директорлар кеңесінің төрағасы және бас атқарушы директоры Патрик Пуяннемен;
• Sun Seven IG басқарма төрағасы У Чжэнмен;
• ДСҰ Бас директоры Нгози Оконджо-Ивеаламен бірқатар кездесу өткізеді.