Мемлекет басшысы Малайзияның Жоғарғы билеушісіне құттықтау жеделхатын жолдады
Жарияланған күні:

Президент Қасым-Жомарт Тоқаев Малайзияның Тәуелсіздік күніне орай Малайзияның Жоғарғы билеушісі Сұлтан II Абдулланы құттықтап, жеделхат жолдады. Бұл туралы Ақорда Telegram-дағы ресми арнасында хабарлады.
"Қазақстан мен Малайзияны түрлі саладағы өзара тиімді ынтымақтастықты дамытуға бағытталған берік серіктестік қатынастар байланыстырады. Екі елдің мүддесін көздейтін көпжақты іс-әрекеттерімізді нығайту үшін жаңа мүмкіндіктерді бірлесіп пайдалануға дайын екенімді білдіремін", – деп жазылған жеделхатта.
Президент Қасым-Жомарт Тоқаев Жоғарғы билеушінің барлық игі бастамаларына табыс, ал достас Малайзия халқына бақ-береке тіледі.
Айта кетейік, бүгін президент Қырғызстан президентін және халқын Тәуелсіздік күнімен құттықтап, жеделхат жолдаған болатын.
Мақаланың түпнұсқасы: https://kaz.nur.kz/politics/universe/2034627-memleket-bassysy-malaiziyanyn-zogargy-bileusisine-quttyqtau-zedelxatyn-zoldady/