Тоқаев Тәжікстанға жұмыс сапарымен барады
Опубликовано:
Мемлекет басшысы Қасым-Жомарт Тоқаев 14-15 қыркүйекте Тәжікстанға жұмыс сапарымен барады. Бұл туралы Ақорда Telegram-дағы ресми арнасында хабарлады.
Ақорданың мәліметінше, сапар аясында президент Орталық Азия мемлекеттері басшыларының V Консультативтік кездесуіне және Халықаралық Аралды құтқару қорының құрылтайшы мемлекеттер басшылары кеңесінің отырысына қатысады.
Еске салайық, бұған дейін мемлекет басшысы Қасым-Жомарт Тоқаевтың шақыруымен 25-26 тамызда Тәжікстан президенті Эмомали Рахмон жұмыс сапарымен Астанаға келген болатын.
Ресми сапар барысында Тәжікстан президенті Эмомали Рахмон мен мемлекет басшысы Қасым-Жомарт Тоқаев шағын және кеңейтілген құрамда келіссөздер жүргізгенін жазған едік.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/universe/2036496-toqaev-tazikstanga-zumys-saparymen-barady/