Астанаға Әзербайжан президенті Ильхам Әлиев келді
Опубликовано:
Астанаға Әзербайжан президенті Ильхам Әлиев келді, деп хабарлайды үкімет Telegram-дағы ресми арнасында.
Үкіметтің баспасөз қызметінің мәліметінше, Әзербайжан президенті Ильхам Әлиев 3 қарашада өтетін Түркі мемлекеттері ұйымының мерейтойлық саммитіне қатысады.
Саммитке Әзербайжан президентімен қатар Қырғызстан, Түркия, Өзбекстан, Мажарстан және Түрікменстан басшылары қатысады.
Ильхам Әлиевті елорда әуежайында премьер-министр Әлихан Смайылов қарсы алды.
Айта кетейк, бүгін Қазақстанға ресми сапармен Мажарстан премьер-министрі Виктор Орбан келді. Ақорда резиденциясында Виктор Орбанды салтанатты түрде қарсы алу рәсімі өтті.
Кейін Қазақстан президенті мен Мажарстан премьер-министрі шағын және кеңейтілген құрамда келіссөз жүргізді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/universe/2043827-astanaga-azerbaizan-prezidenti-ilxam-aliev-keldi/