Air Astana Қазақстан мен Қытай арасындағы визасыз режимнің күшіне енуіне байланысты мәлімдеме жасады

10 қарашадан бастап Қазақстан мен Қытай Халық Республикасы арасында визасыз режим күшіне енеді. Осыған байланысты Air Astana мәлімдеме жасады, деп хабарлайды KAZ.NUR.KZ әуе компаниясының Telegram-дағы ресми арнасына сілтеме жасап.

Әуе компаниясының мәліметінше, Қытайда визасыз жүру 180 күндік кезең аралығында 90 күнтізбелік күннен аспау керек.

Air Astana Алматыдан Бейжіңге аптасына 6 рет Airbus A320 әуе кемесімен, ал Астанадан апта сайын Airbus A321LR ұшағымен қатынайтын болады.

Air Astana өкілінің айтуынша, екі ел арасындағы визасыз режим жолаушылар үшін ғана қолайлы емес, ол сондай-ақ екі елдің шағын, орта және ірі бизнесі үшін іскерлік белсенділікке қосымша серпіліс береді.

"Сонымен қатар біздің отандастарымыз Қытай аумағында өткізілетін түрлі көрмелер мен халықаралық іс-шараларға қатысу үшін Қытайға жиі бара алады. Саяхатшылардың ыңғайлығы үшін әуе компаниясы Қытайға күнделікті Airbus әуе кемелерімен ұшуды ұсынады", - дейді Air Astana әуекомпаниясының маркетинг және сату жөніндегі вице-президенті Адель Дәулетбек.

Айта кетейік, бұған дейін Қазақстан мен Қытай арасындағы визасыз режим туралы келісім 10 қарашадан бастап күшіне енетінін хабарлаған едік.

Мәтіннен қате тапсаңыз, бізге жазыңыз