Тоқаевтың тапсырмасы: Қазақстан Палестинаға қосымша көмек көрсетеді

Мемлекет басшысы Қасым-Жомарт Тоқаевтың тапсырмасына сәйкес Қазақстан Палестинаға қосымша гуманитарлық көмек көрсетеді, деп хабарлайды KAZ.NUR.KZ тілшісі үкіметтің Telegram-арнасына сілтеме жасап.

Бұл мәселе Қазақстан премьер-министрінің бірінші орынбасары Роман Склярдың төрағалығымен өткен үкіметтік комиссия отырысында талқыланғаны айтылады.

Гуманитарлық көмекке жалпы салмағы 38 тоннадан асатын азық-түлік, төсек-орын жабдықтары, дәрі-дәрмек және медициналық бұйымдар кіреді.

Жүктер жақын арада әуе көлігімен жөнелтіледі.

Қазақстанның қолдауы Газа секторында орын алған гуманитарлық апатты жағдайға байланысты Палестинаға көмек көрсетуге бағытталған.

Бұған дейін Қазақстан Палестина халқына 1 млн доллар көлемінде гуманитарлық көмек көрсеткен болатын.

Мәтіннен қате тапсаңыз, бізге жазыңыз