Тоқаев пен Шавкат Мирзиёев кездеседі

Мемлекет басшысы Қасым-Жомарт Тоқаев пен Өзбекстан президенті Шавкат Мирзиёев бейресми кездесу өткізеді. Бұл туралы Ақорда хабарлады.

Ақорданың ақпаратынша, Қасым-Жомарт Тоқаев пен Шавкат Мирзиёев 5 сәуір күні Хиуа қаласында бейресми кездесу өткізеді.

Кездесу барысында мемлекеттер басшылары екіжақты байланыстардың ауқымды мәселелерін, сондай-ақ өңірлік күн тәртібін талқылайды деп жоспарланып отыр.

Айта кетейік, бұған дейін Тоқаев Шымкент – Самара тас жолында болған жол апатынан өзбекстандық сегіз азаматтың қаза табуына байланысты президент Шавкат Мирзиёевке көңіл айтқан еді.

Мәтіннен қате тапсаңыз, бізге жазыңыз