Тоқаевты Ашхабад әуежайында салтанатты қарсы алу рәсімі өтті (фото, видео)

Ашхабад әуежайында Түрікменстанға ресми сапармен келген мемлекет басшысы Қасым-Жомарт Тоқаевты салтанатты қарсы алу рәсімі өтті. Бұл туралы Ақордаға сілтеме жасаған KAZ.NUR.KZ хабарлайды.

Құрмет қарауылының бастығы рапорт бергеннен кейін екі елдің әнұрандары орындалды, деп жазады Ақорданың Telegram-дағы ресми арнасы.

Еске салсақ, бүгін мемлекет басшысы Қасым-Жомарт Тоқаев Түрікменстанға ресми сапармен келді.

Ашхабад әуежайында Қасым-Жомарт Тоқаевты түрікмен халқының көшбасшысы Гурбангулы Бердімұхамедов қарсы алды.

Сапар аясында Қасым-Жомарт Тоқаев пен Сердар Бердімұхамедов келіссөз жүргізеді. Сондай-ақ Президент Ашхабадтағы Абай Құнанбайұлының ескерткішін ашып, "Дәуірлер мен өркениеттер байланысы – бейбітшілік пен дамудың негізі" атты халықаралық форумға қатысады.