jitsu gif
Саясат

    Тоқаев ICAO кеңесінің президенті Сальваторе Шаккитаномен кездесті

    Тоқаев
    Фото: Ақорда

    Мемлекет басшысы Қасым-Жомарт Тоқаев ICAO кеңесінің президенті Сальваторе Шаккитаноны қабылдады. Кездесуде авиация саласын дамыту перспективасы талқыланды, деп хабарлайды Ақорда.

    Мемлекет басшысы ICAO-мен нәтижелі ынтымақтастық орнатқан 30 жыл ішінде Қазақстанның Ұйым стандарттарына сәйкестігі 82 пайызға жеткенін атап өтті. Бұл – дамыған Еуропа елдерімен тең деңгейдегі көрсеткіш.

    Қасым-Жомарт Тоқаевтың айтуынша, әуежайларды жаңғырту, әуе кемелері паркін ұлғайту және «ашық аспан» режимін енгізу бағытындағы дәйекті шаралардың нәтижесінде ұшу географиясы айтарлықтай кеңейіп, халықаралық рейстердің саны артты.

    Өз кезегінде ICAO кеңесінің президенті Қазақстанмен әуе тасымалының қауіпсіздігі және тұрақтылығын қамтамасыз ету мақсатындағы серіктестікті одан әрі нығайтуға қолдау көрсетуге дайын екенін мәлімдеді. Сонымен қатар еліміздің азаматтық авиация саласындағы табысын жоғары бағалады.

    Сальваторе Шаккитано Қазақстанның Ұйым жанынан тұрақты өкілдігін ашқаны үшін ризашылығын білдіріп, келесі жылы Астанаға сапармен келуді жоспарлап отырғанын жеткізді.

    Тоқаев ICAO кеңесінің президенті Сальваторе Шаккитаномен кездесті

    Барлығын бірінші болып біліп отырыңыз

    Бізге жазылып, Қазақстанның өзекті жаңалықтарынан, қызықты суреттер, видеолар мен эксклюзивтерден хабардар болыңыз.

    Instagram
    Сақтаулылар
    Мұнда әзірше бос
    Жарияланым парақшасында «
    » батырмасын қолданып, оны сақтаулылар тізіміне қосыңыз.