Қазақстандықтар енді тағы бір елге визасыз бара алады

2024 жылғы 20 қарашада үкіметтің қаулысымен Сент-Китс және Невиспен қысқа мерзімді сапарларға визадан босату туралы бұрын жасалған келісім бекітілді. Бұл туралы KAZ.NUR.KZ хабарлайды.

Қаулыға сәйкес, азаматтар мен жарамды жол жүру құжаттарының иелері алғаш кірген сәттен бастап әрбір 365 күндік кезең ішінде күнтізбелік 90 (тоқсан) күннен аспайтын кезеңге екінші Тарап мемлекетінің аумағына бір немесе бірнеше мәрте кіру, одан шығу, транзитпен өту, онда уақытша болу үшін визалық талаптардан босатылады.

Ұзақ тұруды қалайтындар заң талап ететін тиісті визаны алуы керек.

Қазақстан Республикасы бойынша жарамды жол жүру құжаттары:

• дипломатиялық паспорт;
• қызметтік паспорт;
• Қазақстан Республикасы азаматының паспорты;
• қайтып оралуға (тек Қазақстан Республикасына қайтып оралу үшін) арналған куәлік;
• теңізшінің жеке куәлігі (кеме тізіміндегі жазба немесе одан үзінді бойынша).

Еске салсақ, бұған дейін Қазақстан мен Марокко үкіметтері Ұлттық/жалпы азаматтық паспорттардың иелеріне визалық талаптардан босату туралы келісімге қол қойғаны туралы жазған едік.

Мәтіннен қате тапсаңыз, бізге жазыңыз