Тоқаев Италия министрлер кеңесінің төрағасы Джорджа Мелониді туған күнімен құттықтап, Астанаға шақырды
Опубликовано:
Мемлекет басшысы "Абу Дабидің орнықты даму апталығы" алаңында Италия Министрлер Кеңесінің төрағасы Джорджа Мелонимен кездесу өткізді, деп хабарлайды Ақорда.
Қасым-Жомарт Тоқаев Джорджа Мелониді туған күнімен құттықтап, достас Италия халқының игілігі жолындағы мемлекеттік қызметіне табыс тілеген.
Президент былтыр Римге жасаған ресми сапарын ықыласпен еске алып, соның нәтижесінде Қазақстан-Италия қатынастарының жаңа кезеңіне жол ашылғанын да атап өткен.
Мемлекетаралық ынтымақтастықты жоғары деңгейде сақтау үшін Қасым-Жомарт Тоқаев Джорджа Мелониді Астанаға ресми сапармен келуге шақырған.
Айта кетейік, бұған дейін мемлекет басшысының Біріккен Араб Әмірліктеріне жұмыс сапары аясында "Абу Дабидің орнықты даму апталығы" саммитіне қатысып, сөз сөйлегенін хабарлаған едік.
Мәтіннен қате тапсаңыз, бізге жазыңыз