Тоқаев Лукашенконы президент сайлауындағы жеңісімен құттықтады
Опубликовано:
Қазақстан мен Беларусь президенттері телефон арқылы сөйлесті. Бұл туралы KAZ.NUR.KZ Ақордаға сілтеме жасап хабарлайды.
Әңгімелесу барысында Қасым-Жомарт Тоқаев Александр Лукашенконы Беларусь Республикасының президенті сайлауындағы жеңісімен құттықтаған.
Бұдан бөлек, тараптар екіжақты күн тәртібінің, сондай-ақ өңірлік және халықаралық ұйымдар аясындағы өзара ықпалдастықтың өзекті мәселелерін талқылаған.
Естеріңізге сала кетсек, бұған дейін Александр Лукашенконың Беларусьтегі президент сайлауында жеңіске жеткенін хабарлаған едік.
Орталық сайлау комиссиясының алдын ала мәліметтеріне сәйкес, Лукашенкоға сайлаушылардың 86,82 пайызы дауыс берген.
Қалған төрт үміткер – О.Гайдукевич 2,02 пайыз, А.Хижняк 1,74 пайыз, А.Канопатская 1,86 пайыз және С. Сыранков 3,21 пайыз дауыс жинаған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/universe/2215491-toqaev-lukashenkony-prezident-sailauyndagy-zhengisimen-quttyqtady/