Ресми сапармен келген Тоқаевты Иордания королі қалай қарсы алды

Әл-Хусейния сарайында Иордан Хашимит Корольдігіне ресми сапармен келген Қазақстан президенті Қасым-Жомарт Тоқаевты салтанатты қарсы алу рәсімі өтті. Бұл туралы KAZ.NUR.KZ Ақордаға сілтеме жасап хабарлайды.

Әл-Хусейния сарайында Қазақстан президентін король II Абдалла бен әл-Хусейн мен тақ мұрагері Әл-Хусейн қарсы алған.

Мәртебелі мейманның құрметіне сарай алдындағы алаңда құрмет қарауылы сап түзеп тұрған. Сондай-ақ әскери оркестр Қазақстан мен Иорданияның мемлекеттік әнұрандарын орындаған.

Құрмет қарауылы ротасы бастығының рапортынан кейін мемлекеттер басшылары келіссөз залына барған.

Естеріңізге сала кетейік, 18 ақпанда мемлекет басшысы Иордан Хашимит Корольдігіне ресми сапармен барды.

Сапар аясында король II Абдалламен шағын және кеңейтілген құрамда келіссөздер жүргізіліп, бірқатар екіжақты құжатқа қол қойылады.