Тоқаев Мерцті Германияның федералдық канцлері болып сайлануымен құттықтады

Қасым-Жомарт Тоқаев Фридрих Мерцті Германияның Федералдық Канцлері болып сайлануымен құттықтады, деп хабарлайды Ақорда.

Ақорда мәліметінше, мемлекет басшысы Германияның Федералдық Канцлері сайлауында жеңіске жеткен Фридрих Мерцке құттықтау жеделхатын жолдады.

Президент екі ел арасындағы стратегиялық серіктестіктің ауқымы кеңейіп келе жатқанын ризашылықпен атап өтіп, қазақ-герман ынтымақтастығының жоғары қарқынын сақтау үшін бірлесіп жұмыс істеуге дайын екенін растады.

Айта кетейік, Фридрих Мерц Бундестагтағы екінші дауыс беруде Германия канцлері болып сайланды - біріншісінде оған жеткілікті дауыс берілмеген.

Мәтіннен қате тапсаңыз, бізге жазыңыз