Тоқаевтың шақыруымен Астанаға тағы бір жоғары мәртебелі мейман келеді

Қазақстанға ресми сапармен Болгария президенті Румен Радев келеді, деп хабарлайды Ақордаға сілтеме жасаған KAZ.NUR.KZ.

"8-9 маусым күндері мемлекет басшысы Қасым-Жомарт Тоқаевтың шақыруымен Болгария президенті Румен Радев елімізге ресми сапармен келеді.

Жоғары деңгейде өтетін келіссөздер барысында қазақ-болгар сауда-экономикалық және инвестициялық ынтымақтастығының перспективасы талқыланады", - делінген хабарламада.

Естеріңізге сала кетейік, мамырдың соңында Қазақстанға Руанда президенті мен Италия премьер-министрі ресми сапармен, сондай-ақ Солтүстік Македония президенті мен Хорватия премьер-министрі жұмыс сапарымен келген еді.

Бұдан бөлек, "Орталық Азия – Италия" саммитіне қатысу үшін Астанаға Қырғызстан, Өзбекстан, Тәжікстан, Түрікменстан президенттері де келген болатын.