Мысыр баруға ұсынылмайтын елдер тізімінен шығарылды

Қазақстан Сыртқы істер министрлігі Мысыр Араб Республикасының баруға ұсынылмайтын мемлекеттер тізімінен шығарылғанын хабарлайды, деп жазады KAZ.NUR.KZ.

"Бұл шешім аталған елдегі қазіргі жағдайды, сондай-ақ азаматтық инфрақұрылымның, оның ішінде халықаралық әуежайлар мен туристік аймақтардың жұмыс істеу жағдайларын ескере отырып қабылданды", - делінген хабарламада.

Сонымен қатар Таяу Шығыстағы ахуалдың әлі де шиеленісті болып қалуына, сондай-ақ өңірдегі бірқатар мемлекетте әуе кеңістігінің мезгіл-мезгіл жабылуына байланысты Қазақстан Сыртқы істер министрлігі жағдай толық тұрақтанғанға дейін келесі елдерге сапарлардан бас тарту жөніндегі ұсынымдарын сақтайды:

• Бахрейн;
• Біріккен Араб Әмірліктері;
• Израиль;
• Йемен;
• Иордания;
• Ирак;
• Иран;
• Қатар;
• Сауд Арабиясы Корольдігі;
• Кувейт;
• Ливан;
• Оман;
• Сирия.

Министрлік өңірде жүрген Қазақстан азаматтарына жеке қауіпсіздік шараларын күшейту, ықтимал қауіпті аймақтарға барудан бас тарту, жергілікті билік органдарының нұсқауларын қатаң сақтау, соның ішінде зымыран қаупі туындаған жағдайда дереу баспаналарға (қорғаныс орындарына) бару, сондай-ақ Қазақстанның шетелдегі мекемелерімен, туроператорлармен және әуе тасымалдаушыларымен тұрақты байланыста болу қажеттігі тағы да еске салады.

Мәтіннен қате тапсаңыз, бізге жазыңыз