Қазақ редакциясының басшысы

Ердоған кортежін тоқтатып,Түркістан тұрғындарымен суретке түсті (видео)

Жарияланған күні:Бүгін, 15 мамыр 2026, 18:23

Түркия президенті Режеп Тайип Ердоған кортежін тоқтатып, қала көшесінде тұрған Түркістан тұрғындарымен сөйлесті, деп хабарлайды KAZ.NUR.KZ өңір әкімдігіне сілтеме жасап.

Түркістан облысы әкімдігі Түркістан тұрғындарының Түркі мемлекеттері ұйымының саммитіне бара жатқан Түркия президентімен кездескен сәтінен видеоны жариялады.

"Түркі мемлекеттері ұйымының бейресми саммитіне келген Түркия президенті Режеп Ердоған кортежін тоқтатып, жол жиегінде қол бұлғап тұрған адамдармен амандасты. Түркістандықтармен суретке түсіп, шынайы ықыласын көрсетті", - делінген хабарламада.

Еске салсақ, елімізге мемлекеттік сапармен келген Түркия президенті Режеп Тайип Ердоғанды Қасым-Жомарт Тоқаев әуежайдан қарсы алған болатын.

Ақорданың хабарлауынша, еліміздің шекарасына енген сәттен Астана әуежайына дейін Түркия президентінің бортына Қазақстан Республикасы Әуе қорғанысы күштерінің ұшақтары қапталдаса ұшты.

Ердоғанды салтанатты қарсы алу рәсімі Тәуелсіздік сарайында өтті.

Мемлекет басшысы Қасым-Жомарт Тоқаев Түркия президентімен шағын құрамда келіссөз жүргізді.

Мәтіннен қате тапсаңыз, бізге жазыңыз