Қазақ редакциясының басшысы

Тоқаев бірқатар мемлекет басшыларымен телефон арқылы сөйлесті

Жарияланған күні:Бүгін, 17 мамыр 2026, 17:49

Бірнеше елдің көшбасшылары Қазақстан президенті Қасым-Жомарт Тоқаевты туған күнімен телефон арқылы құттықтады, деп хабарлайды KAZ.NUR.KZ Ақордаға сілтеме жасап.

Ақорда мәліметінше, мемлекет басшысы Ресей президенті Владимир Путинмен, Өзбекстан президенті Шавкат Мирзиёевпен, Әзербайжан президенті Ильхам Әлиевпен, Армения премьер-министрі Никол Пашинянмен телефон арқылы сөйлесті.

Шет мемлекеттер басшылары президент Қасым-Жомарт Тоқаевты туған күнімен құттықтап, Қазақстан халқының игілігі жолындағы жауапты мемлекеттік қызметі одан әрі табысты болуына тілектестіктерін білдірді.

Сонымен қатар тараптар екіжақты және сан қырлы күн тәртібіндегі өзекті мәселелерді талқылады

Еске салсақ, бүгін 17 мамырда Қасым-Жомарт Тоқаев 73 жасқа толды. Түрлі елдердің көшбасшылары мен халықаралық ұйымдардың өкілдері Тоқаевты туған күнімен құттықтап жатыр.

Мәтіннен қате тапсаңыз, бізге жазыңыз